Khutbah Jum'at Sunda, GENEP ADAB PUASA

Jum’at, 03 Mei 2019

Khutbah Jum'at Sunda, GENEP ADAB PUASA

Khutbah I

اْلحَمْدُ للهِ اْلحَمْدُ للهِ الّذي هَدَانَا سُبُلَ السّلاَمِ، وَأَفْهَمَنَا بِشَرِيْعَةِ النَّبِيّ الكَريمِ، أَشْهَدُ أَنْ لَا اِلَهَ إِلَّا الله وَحْدَهُ لا شَرِيك لَه، ذُو اْلجَلالِ وَالإكْرام، وَأَشْهَدُ أَنّ سَيِّدَنَا وَنَبِيَّنَا مُحَمَّدًا عَبْدُهُ وَ رَسولُه، اللّهُمَّ صَلِّ و سَلِّمْ وَبارِكْ عَلَى سَيِّدِنا مُحَمّدٍ وَعَلَى الِه وَأصْحابِهِ وَالتَّابِعينَ بِإحْسانِ إلَى يَوْمِ الدِّين، أَمَّا بَعْدُ: فَيَاأيُّهَا الإِخْوَان، أوْصُيْكُمْ وَ نَفْسِيْ بِتَقْوَى اللهِ وَطَاعَتِهِ لَعَلَّكُمْ تُفْلِحُوْنْ، قَالَ اللهُ تَعَالىَ فِي اْلقُرْانِ اْلكَرِيمْ: أَعُوْذُ بِاللهِ مِنَ الَّشيْطَانِ الرَّجِيْم، بِسْمِ اللهِ الرَّحْمَانِ الرَّحِيْمْ: يَا أَيُّهَا الَّذِينَ آَمَنُوا اتَّقُوا الله وَقُولُوا قَوْلًا سَدِيدًا، يُصْلِحْ لَكُمْ أَعْمَالَكُمْ وَيَغْفِرْ لَكُمْ ذُنُوبَكُمْ وَمَنْ يُطِعِ الله وَرَسُولَهُ فَقَدْ فَازَ فَوْزًا عَظِيمًا وقال تعالى يَا اَيُّهَا الَّذِيْنَ آمَنُوْا اتَّقُوْا اللهَ حَقَّ تُقَاتِهِ وَلاَ تَمُوْتُنَّ إِلاَّ وَأَنْتُمْ مُسْلِمُوْنَ. صَدَقَ اللهُ العَظِيمْ

Sadaya Puji kagungan Alloh Rabbul Izzati. Hayu urang manjatkeun syukur ka Mantena. Sabab kalayan qudrat sareng iradatna, alhamdulillah urang sadayana masih dipaparinan umur dugika dinten iyeu, nyaeta dinten Jum'at anu pinuh ku kamuliaan. Shalawat sinareng salam mugia salamina tetep dilimpahkeun ka jungjunan urang sadaya, Kanjeng Nabi Muhammad SAW, ka sadaya kulawargina, para Sahabatna, sareng ka sadaya pengikutna dugikeun ka akhir zaman, oge mudah-mudah urang sadayana kengeng syaatul udma ti anjeuna. Amin Ya Robbal Alamin. Henteu aya anu langkung pantes dina kasempatan Jum'at ieu kecuali urang saling nasehatkeun dina wasiat taqwa, khususna kanggo diri simkuring pribadi sareng umumna kasadaya jama'ah, hayu urang sami-sami Taqwa ka Alloh SWT, kalayan kataqwaan anu sabener-benerna. Nyaeta kujalan, ngalaksanakeun naon rupi anu diparentahkeun ku Alloh SWT, sareng nebihan sagala rupi anu dilarang-Na.

Hadirin Kaum Muslimin Rahimakumullah

Di bulan Romadhon ieu umat Islam di dunia diwajibkeun puasa saperti umat-umat anu samemehna. Sakumaha firman Allah swt dina Surat Al-Baqarah ayat 183:

يَا أَيُّهَا الَّذِينَ آمَنُوا كُتِبَ عَلَيْكُمُ الصِّيَامُ كَمَا كُتِبَ عَلَى الَّذِينَ مِنْ قَبْلِكُمْ لَعَلَّكُمْ تَتَّقُونَ

Dina ibadah puasa sanes mung hungkul aya katentuan sah jeung henteuna puasa, tapi ayana adab anu nentukeun kana ditarimana puasa hiji jalma.

Sakumaha nasehat Imam Al-Ghazali :

آدَابُ الصِّيَامِ: طَيِّبُ اْلغِذاَءِ، وَتَرْكُ اْلمِرَاءِ، وَمُجَانَبَةُ اْلغِيْبَةِ، وَرَفْضُ اْلكَذِبِ، وَتَرْكُ اْلآذَى ، وَصَوْنُ اْلجَوَارِحِ عَنِ اْلقَبَائِحِ

Hadirin Kaum Muslimin Rahimakumullah

Aya genep adab dina ngalaksanakeun puasa

Kahiji, ngonsumsi katuangan anu halalan toyyiban, khususna di bulan Romadhon urang sanes mung hungkul nuang anu ni’mat ceuk letah tapi anu halal dumasar kana syare’at agama islam. Anu saluyu sareung Al-Qur’an sareung Hadits Rosulullh saw.

Kadua, ngajauhan papasean. Pasea atawa selisih paham bisa terjadi iraha wae. Tapi jalma anu puasa dianjurkeun pisan supaya ngajaga kasucian bulan Romadhon ku teu ngalaksanakeun pasea jeung sajabana. Didieu kudu ayana ngendalikeun emosi urang sadayana.

Katilu, ngajauhan ghibah/ ngomongkeun kana kagorengan batur

Dina hadits Rasulullah anu diriwayatkeun ku Al-Bukhari:

سَلَامَةُ اْلِإنْسَانِ فِي حِفْظِ الِّلسَانِ

“kasalametan manusa gumantung kana ngajaga lisanna”

Kaopat, nolak bohong. Dina  bulan puasa urang kudu kuat nahan diri sangkan henteu ngabohong kusabab ngabohong eta bisa ngaleungitkeun kana ganjaran puasa.

Jama’ah shalat Jumat anu dimuliakeun Allah,

Kalima, henteu nganyenyeri batur. Ibadah puasa anu ku urang dilakonan nahan lapar jeung dahaga moal aya gunana dimana henteu bisa nahan tina laku lampah anu nganyenyeri ka batur boh dina ucapan atawa ku pagawean.

Kagenep, ngajaga anggota badan tina hal-hal anu goreng. Dina bulan romadhon khususna, urang kudu ngajaga leungeun urang supaya teu ngagunakeun kana maksiat, suku urang teu dilangkahkeun kana tempat-tempat maksiat

Hadirin Kaum Muslimin Rahimakumullah

Mudah-mudahan urang sadayana kalebet jalmi-jalmi anu ngengengkeun rohmat sareung pertolongan ti Alloh swt. Sahingga urang tiasa ngalaksanakeun ibadah puasa di taun ieu sesuai sareng katentuan hukum sareung adab puasa. Amin ya robbal alamin.

بَارَكَ اللهُ لِيْ وَلَكُمْ فِى الْقُرْاَنِ الْعَظِيْم. وَنَفَعَنِيْ وَاِيَّاكُمْ بِاْلاَيَاتِ وَالذِّكْرِ الْحَكِيْمِ. وَتَقَبَّلَ مِنِّيْ وَمِنْكُمْ تِلاَوَتَهُ اِنَّهُ هُوَ السَّمِيْعُ الْعَلِيْمُ,

#khutbah sunda, #contoh khutbah sunda, #khutbah Jum’at