Khutbah Jum'at Sunda, NINGKATKEUN IBADAH DINA BULAN SYAWAL

Jum’at, 19 Juli 2019

Khutbah Jum'at Sunda, NINGKATKEUN IBADAH DINA BULAN SYAWAL

Khutbah I

الحَمْدُ لِلهِ الَّذِيْ خَلَقَ الزّمَانَ وَفَضَّلَ بَعْضَهُ عَلَى بَعْضٍ فَخَصَّ بَعْضُ الشُّهُوْرِ وَالأَيَّامِ وَالَليَالِي بِمَزَايَا وَفَضَائِلِ يُعَظَّمُ فِيْهَا الأَجْرُ والحَسَنَاتُ. أَشْهَدُ أَنْ لاَ إِلَهَ إِلاَّ اللهُ وَحْدَهُ لاَ شَرِيْكَ لَهُ وَأَشْهَدُ أَنَّ سَيِّدَنا مُحَمَّدًا عَبْدُهُ وَرَسُوْلُهُ الدَّاعِى بِقَوْلِهِ وَفِعْلِهِ إِلَى الرَّشَادِ. اللّهُمَّ صَلِّ وَسَلِّمْ علَى عَبْدِكَ وَرَسُوْلِكَ مُحَمّدٍ وَعَلَى آلِه وأصْحَابِهِ هُدَاةِ الأَنَامِ في أَنْحَاءِ البِلاَدِ. أمَّا بعْدُ، فيَا أَيُّهَا النَّاسُ اتَّقُوا اللهَ تَعَالَى بِفِعْلِ الطَّاعَاتِ

فَقَدْ قَالَ اللهُ تَعَالىَ فِي كِتَابِهِ الْكَرِيْمِ:

إِنَّ عِدَّةَ الشُّهُورِ عِنْدَ اللَّهِ اثْنَا عَشَرَ شَهْرًا فِي كِتَابِ اللَّهِ يَوْمَ خَلَقَ السَّمَاوَاتِ وَالْأَرْضَ مِنْهَا أَرْبَعَةٌ حُرُمٌ. وقال أيضًا: إِنَّ أَوَّلَ بَيْتٍ وُضِعَ لِلنَّاسِ لَلَّذِي بِبَكَّةَ مُبَارَكًا وَهُدًى لِلْعَالَمِينَ، فِيهِ آيَاتٌ بَيِّنَاتٌ مَقَامُ إِبْرَاهِيمَ وَمَنْ دَخَلَهُ كَانَ آمِنًا وَلِلَّهِ عَلَى النَّاسِ حِجُّ الْبَيْتِ مَنِ اسْتَطَاعَ إِلَيْهِ سَبِيلًا وَمَنْ كَفَرَ فَإِنَّ اللَّهَ غَنِيٌّ عَنِ الْعَالَمِينَ

Sadaya Puji kagungan Alloh Rabbul Izzati. Hayu urang manjatkeun syukur ka Mantena. Sabab kalayan qudrat sareng iradatna, alhamdulillah urang sadayana masih dipaparinan umur dugika dinten iyeu, nyaeta dinten Jum'at anu pinuh ku kamuliaan. Shalawat sinareng salam mugia salamina tetep dilimpahkeun ka jungjunan urang sadaya, Kanjeng Nabi Muhammad SAW, ka sadaya kulawargina, para Sahabatna, sareng ka sadaya pengikutna dugikeun ka akhir zaman, oge mudah-mudah urang sadayana kengeng syaatul udma ti anjeuna. Amin Ya Robbal Alamin. Henteu aya anu langkung pantes dina kasempatan Jum'at ieu kecuali urang saling nasehatkeun dina wasiat taqwa, khususna kanggo diri simkuring pribadi sareng umumna kasadaya jama'ah, hayu urang sami-sami Taqwa ka Alloh SWT, kalayan kataqwaan anu sabener-benerna. Nyaeta kujalan, ngalaksanakeun naon rupi anu diparentahkeun ku Alloh SWT, sareng nebihan sagala rupi anu dilarang-Na.

Hadirin Kaum Muslimin Rahimakumullah

Diantara tinu lima rukun islam, haji ngarupakeun ibadah anu kagolongkeun “mewah jeung beurat”. Lain ngan saukur merlukeun ongkos anu mahal keur kalolobaana jalma, tapi dina ngalaksanakeuna ge ngabutuhkeun waktu jeung kakuatan anu cukup lumayan. Kasadaran wajibna ibadah haji oge nentukeun berangkatna ngalaksanakeun ibadah haji, teu saeutik anu beunghar tapi teu daek ibadah haji. Tapi sabalikna teu saeutik oge jalma anu teu mampu sacara ekonomi pas pasan mampu ibadah haji. Ku hal eta ibadah haji jarang kalaksanakeuna dibanding jeung rukun islam anu sejena, boh dihaja atawa aya udur syar’i.

Ramena ibadah haji biasana ti bulan syawal jeung bulan Dzulqa’dah satuluyna di bulan dzulhijjah. Dzulhijjah jeung bahasa nyaeta bulan haji.

Jama’ah shalat Jumat anu dimuliakeun Allah,

Kawajiban haji salah sawiosna nyaeta dina ayat:

وَلِلّٰهِ عَلَى النَّاسِ حِجُّ الْبَيْتِ مَنِ اسْتَطَاعَ إِلَيْهِ سَبِيلًا

Ayat ieu ngajantenkeun penjelasan tina kawajiban ngalaksanakeun ibadah haji jang nu mampuh. Mampuh tina segi ekonomi, kasehatan fisik, transportasi, kaamanan, jeung saterusna. Dumasar kana (مَنِ اسْتَطَاعَ إِلَيْهِ سَبِيلًا). Urang sok terkadangan poho kana kalimat anu di awal nyaeta (لِلّٰهِ) Kalimat “Lillah” dina ayat eta ngarupakeun ruhna tina ibadah haji. Sakumaha mampuhna hiji jalma kudu mantengkeun hatena, ngabenerkeun niatna dimana ibadah haji teh tujuana nyaeta Alloh subhanahu wata’ala. Teu saeutik anu ibadah haji niatna hayang naekeun kelas sacara sosial, atawa ibadah haji mung saukur niatna pelesiran, jalan-jalan jeung senang-senang. Bisa ka Mekah, Madinah, Arofah,  panyakit hate anu biasana muncul nyaeta riya, mubazir, jeung nu liana deui.

Imam al-Ghozali ngadawuh: dimana hiji jalma nepi ka kota Mekkah saena ngalaksanakeun etika-etika anu pantes. Seperti dimana asup ka Masjidil Harom pinuh ku rasa ta’dim. Nyaksikeun Ka’bah bari takbir jeung tahlil jeung saterusna. Intina adab kasopanan anu dipunculkeun nyaeta sikep handap asor, depe-depe, sopan, ikhlas anu dipika rido ku Alloh swt

Hadirin Kaum Muslimin Rahimakumullah

Dimana anu berangkat ibadah haji geus salah niat, maka akibatna nyaeta karugian anu kacida poharana, ngemutkeun kana pengorbanan anu dipake ibadah haji anu sakitu mahalna, sacara fiqih mungkin wae sah, tapi sacara hakiki bisa jadi keropos, boh samemeh berangkat haji, diaman ngalaksanakeun ibadah haji oge dina saba’dana ngalaksanakeun haji. Hal ieu anu ku urang kedah di perhatoskeun leres-leres.

Ka urang anu karek hayang ibadah haji, ikhtiar dikawitan tina memeres niat, bari dibarengan ku nyiapkeun kabutuhan-kabutuhan anu sejena oge teu leupas tina ngadu’a ka Alloh swt. Mudah-mudahan urang sadaya kalebet jalmi-jalmi anu dipaparinan kasempetan ku Alloh ngalaksanakeun ibadah haji, ka Baitulloh, ziarah ka makomna kangjeung rosululloh saw. Oge ka wargi-wargi urang, ka guru-guru urang anu nuju siap-siap pikeun ngalaksanakeun ibadah haji, mudah-mudahan dipaparin kalancaran, oge janten haji anu mabrur. Amin ya robbal alamin.

بَارَكَ اللهُ لِيْ وَلَكُمْ فِى الْقُرْاَنِ الْعَظِيْم. وَنَفَعَنِيْ وَاِيَّاكُمْ بِاْلاَيَاتِ وَالذِّكْرِ الْحَكِيْمِ. وَتَقَبَّلَ مِنِّيْ وَمِنْكُمْ تِلاَوَتَهُ اِنَّهُ هُوَ السَّمِيْعُ الْعَلِيْمُ,

#khutbah sunda, #contoh khutbah sunda, #khutbah Jum’at