Khutbah Jum'at Sunda, NINGKATKEUN IBADAH DINA BULAN SYAWAL

Jum’at, 21 Juni 2019

Khutbah Jum'at Sunda, NINGKATKEUN IBADAH DINA BULAN SYAWAL

Khutbah I

اَلْحَمْدُ للهْ، اَلْحَمْدُ للهِ رَبِّ الْعَالَمِيْنَ، الَّذِيْ أَكْمَلَ لَنَا الدِّيْنَ، وَأَتَمَّ لَنَا النِّعْمَةَ وَرَضِيَ لَنَا الْإِسْلَامَ دِيْنًا. تَفَضَّلَ عَلَيْنَا بِمَنِّهِ وَكَرَمِهِ وَلُطْفِهِ، أُسَبِّحُ لَهُ سُبْحَانَهُ، رَبُّنَا وَرَبُّكُمْ وَهُوَ عَلَى كُلِّ شَيْئٍ وَكِيْلٌ، يُعِزُّ بَعْضَنَا وَيُذِلُّ بَعْضَنَا، إِلَهٌ كَرِيْمٌ وَاحِدٌ، جَلِيْلٌ مُنَزَّهٌ عَنِ الشَّبِيْهِ وَالشَّرِيْكِ وَالْمُمَاثِلِ. أَشْهَدُ أَنْ لاَ إِلَهَ اِلَّا اللهُ وَحْدَهُ لاَ شَرِيْكَ لَهُ، شَهَادَةً تُنْجِيْ قَائِلَهَا يَوْمَ لَا يَنْفَعُ لَهُ مَالٌ وَلاَ بَنُوْنٌ إِلَّا مَنْ أَتَى اللهَ بِقَلْبٍ سَلِيْمٍ. وَأَشْهَدُ أَنَّ سَيِّدَنَا وَنَبِيَّنَا وَشَفِيْعَنَا وَقُدْوَتَنَا مُحَمَّدًا ﷺ عَبْدُ اللهِ وَرَسُوْلُهُ الصَّادِقُ الْوَعْدِ الْأَمِيْنُ. صَلِّ اللَّهُمَّ وَبَارِكْ وَسَلِّمْ عَلَيْهِ وَعَلَى آلِهِ وَصَحْبِهِ وَمَنْ تَبِعَهُمْ بِإِحْسَانٍ إِلَى يَوْمِ الدِّيْنِ، وَاعْفُ عَنَّا مَعَهُمْ بِعَفْوِكَ وَكَرَمِكَ يَا أَرْحَمَ الرَّاحِمِيْنَ. أما بعد. فَيَا اَيُّهَا النَّاسُ، اُوْصِيْنِيْ نَفْسِيْ وَاِيَّاكُمْ بِتَقْوَى اللهِ، فَقَدْ فَازَ الْمُتَّقُوْنَ

قَالَ اللهُ تَعَالَى فِىْ كِتَابِهِ الْكَرِيْمِ، بِسْمِ اللهِ الرَّحْمَنِ الرَّحِيْمِ، إِنَّمَا أَمْرُهُ إِذَا أَرَادَ شَيْئًا أَنْ يَقُولَ لَهُ كُنْ فَيَكُونُ

Sadaya Puji kagungan Alloh Rabbul Izzati. Hayu urang manjatkeun syukur ka Mantena. Sabab kalayan qudrat sareng iradatna, alhamdulillah urang sadayana masih dipaparinan umur dugika dinten iyeu, nyaeta dinten Jum'at anu pinuh ku kamuliaan. Shalawat sinareng salam mugia salamina tetep dilimpahkeun ka jungjunan urang sadaya, Kanjeng Nabi Muhammad SAW, ka sadaya kulawargina, para Sahabatna, sareng ka sadaya pengikutna dugikeun ka akhir zaman, oge mudah-mudah urang sadayana kengeng syaatul udma ti anjeuna. Amin Ya Robbal Alamin. Henteu aya anu langkung pantes dina kasempatan Jum'at ieu kecuali urang saling nasehatkeun dina wasiat taqwa, khususna kanggo diri simkuring pribadi sareng umumna kasadaya jama'ah, hayu urang sami-sami Taqwa ka Alloh SWT, kalayan kataqwaan anu sabener-benerna. Nyaeta kujalan, ngalaksanakeun naon rupi anu diparentahkeun ku Alloh SWT, sareng nebihan sagala rupi anu dilarang-Na.

Hadirin Kaum Muslimin Rahimakumullah

Bulan syawal nyaeta bulan anu kasapuluh dina bulan hijriah, ka jalma islam anu ngalaksanakeun Ibadah Ramadhan sakumaha di contokeun ku kangjeung rosul, sakuduna di bulan ieu nyaeta kahirupan anu anyar, ku jalan ningkatkeun amal ibadah. Di Bulan Ramadhan urang diparentahkeun puasa salami sabulan campleng, maka dina bulan syawal ieu urang biasakeun puasa eta dina saminggu dua kali nyaeta dina dinten senen sareung kemis, dinten senen nyaeta dinten dilahirkeunana kangjeung Nabi saw, dinten kemis nyaeta dimana amal hamba di laporkeun ka Alloh swt.

Dina bulan romadhon urang ngalaksanakeun tarowih, ngajarkeun ka urang supaya sholat tipeuting, sholat tahajud, sok sanajan dua roka’at.

Hadirin Kaum Muslimin Rahimakumullah

Tujuan shaum dina bulan romadhon nyaeta supaya urang jadi jalma-jalma anu taqwa ka Alloh, anu cinta ka Alloh. Dimana dina hate dipinuhan ku cinta ka Alloh maka moal aya tempat mikacinta ka salian Alloh. Cinta ieu anu jadi pondasi penting, sahingga aya shohabat anu nyarios ka kangjeung Nabi:

مَتَى السَّاعَةُ يَا رَسُولَ اللَّهِ؟

"Ya Rasulallah, iraha ari kiamat?"

Rosul teu langsung ngawaler, tapi malah naros ka shohabat:

مَا أَعْدَدْتَ لَهَا

“naon anu geus disiapkeun ku anjeun pikeun nyanghareupan kiamat?”

قَالَ : مَا أَعْدَدْتُ لَهَا مِنْ كَثِيرِ صَلاَةٍ وَلاَ صَوْمٍ وَلاَ صَدَقَةٍ، وَلَكِنِّي أُحِبُّ اللَّهَ وَرَسُولَهُ

“simkuring teu nyiapkeun sholat anu seueur, teu nyiapkeun puasa oge sedekah, tapi simkuring cinta ka Alloh jeung ka Kangjeng Rosul”

Ngadangu waleran sohabat, rosul ngadawuh:

أَنْتَ مَعَ مَنْ أَحْبَبْتَ

“anjeun sarta anu dipikacinta ku anjeun.” (HR. Bukhari)

Jama’ah shalat Jumat anu dimuliakeun Allah,

Ciri-ciri jalma anu mukmin nyaeta anu banget cinta ka Alloh:

وَالَّذِينَ آمَنُوا أَشَدُّ حُبًّا لِلَّهِ

Hartosna: “jalma-jalma anu iman anu banget cintana ka Alloh.” (QS Al-Baqarah: 165)

Mudah-mudahan dina bulan syawal ieu ibadah urang makin ningkat, sahingga urang balik ka Alloh dina kaayaan bersih. Amiin ya robbal alamin.

بَارَكَ اللهُ لِيْ وَلَكُمْ فِى الْقُرْاَنِ الْعَظِيْم. وَنَفَعَنِيْ وَاِيَّاكُمْ بِاْلاَيَاتِ وَالذِّكْرِ الْحَكِيْمِ. وَتَقَبَّلَ مِنِّيْ وَمِنْكُمْ تِلاَوَتَهُ اِنَّهُ هُوَ السَّمِيْعُ الْعَلِيْمُ,

#khutbah sunda, #contoh khutbah sunda, #khutbah Jum’at